నీలిమేఘంలో - చందమామ పాట (Telugu Song Lyrics - Copyright)

నీలిమేఘంలో - చందమామ పాట

నీలిమేఘంలో దాక్కుని ఉన్న మామ

అందమైన వెలుగును ఇచ్చే ఆ చందమామ ....

దూరంగా ఉన్నా దగ్గరగా ఉన్నట్టే

వెండివెన్నెల వెలుగులు పంచె అందమైన చందమామ // నీలిమేఘంలో //

అద్దంలోనా కనిపిస్తాడు

ఆరుబయటా మురిపిస్తాడు

చెవుల పిల్లిని చూపిస్తాడు

నిండుపున్నమిని అందిస్తాడు // నీలిమేఘంలో //

మబ్బుల్లో దోబూచులాడుతూ

చల్లని వెన్నెల చంద్రకాంతితో

నెలవంకలా అగుపడుతాడు

పూర్ణబింబంగా ఆనందాన్ని పంచుతాడు

ఆ చందమామా - అదిగో చందమామ // నీలిమేఘంలో //

కొండల్లోనా - కొనల్లోనా

అడవుల్లోనా - లోయల్లోనా

నదులల్లోనా - సాగరంలోనా

మనవెంటే - మననీడల్లే

ఆ చందమామా - అదిగో చందమామ // నీలిమేఘంలో //

మనఅందరినీ మురిపించేదీ

అందుకొమ్మనీ అలరించేదీ

మన మనసులకు హాయిని గొలిపే

మనమామే చందమామ

అదిగో చందమామ....

ఆ చందమామ // నీలిమేఘంలో //

======

Mantri Pragada Markandeyuu, D.Litt.,

Story and Song Writer/Lyricist

Email: mrkndyl@gmail.com

+91-9951038802

Hyderabad, Telangana State, India